15 dating rebelde ang nabigyan ng tulong pangkabuhayan mula sa pamahalaan sa Barangay Malacampa, Camiling, Tarlac nito lamang Miyerkules, ika-23 ng Agosto 2023.
Pinangunahan ito ng mga tauhan ng Department of Trade and Industry -Tarlac na pinangunahan ni Ms. Zaida F Garibay, Chief Business Development Division katuwang ang Tarlac PNP.
Ipinamahagi sa 15 dating rebelde ang mga pangkabuhayan kits para sa itatayo nilang Sari-Sari Store kung saan tinuruan rin sila ng mga tauhan ng Department of Trade and Industry ng mga stratehiya kung paano papalaguin ang kanilang itatayong negosyo.
Patuloy ang pamahalaan sa pagbibigay ng pag-asa at serbisyo sa mga dating rebelde upang mapanatili ang kapayapaan at pagkakaisa tungo sa ikakaunlad ng ating bansa.
