Kusang nagbalik-loob ang 10 dating rebelde sa pamahalaan na ginanap sa Sitio Dalaydayan, Barangay Guimba, Nueva Ecija nito lamang Martes, ika-15 ng Agosto 2023.
Ayon sa ulat ng Nueva Ecija PNP, ang mga nagbalik-loob ay dating mga miyembro ng Liga ng Manggagawang Bukid (LMB) sa ilalim ng Alyansang Magbubukid sa Gitnang Luzon.
Bilang pagpapatunay at katapatan sa pamahalaan, lumagda ang mga ito ng Oath of Allegiance to the Government na nagpapatunay na tinalikuran na nila ang komunistang teroristang grupo.
Bukod sa paglagda, nag-abot naman ng tulong ang mga awtoridad ng bigas at grocery packs sa 10 nagbalik-loob.
Hinihikayat natin ang mga mamamayan na pilit pa rin sumasama sa mga makakaliwang grupo na magbalik-loob sa pamahalaan at makibahagi sa programa tungo sa pagkamit ng maunlad na pamumuhay.
