Nagbalik-loob sa mga awtoridad ang isang miyembro ng New People’s Army (NPA) sa City of Malolos, Bulacan nito lamang Martes, ika-8 ng Agosto 2023.
Kinilala si alyas “Ka Jay”, 56 anyos at dating miyembro ng Rebolusyonaryong Hukbong Bayan.
Kasabay ng kanyang pagsuko ay ang pagturn-over ng isang cal. 38 revolver, limang bala at isang rifle grenade.
Patuloy ang maigting na kampanya ng pamahalaan kontra insurhensiya at terorismo sa bansa at nananawagan sa mga natitirang miyembro ng NPA na magbalik-loob upang makasama at magsimula ng panibagong buhay sa piling ng kanilang pamilya.
