Mainit ang pagbubukas ng Pavvurulun Afi Festival na kasing init ng tirik ng araw sa lungsod ng Tuguegarao na ginanap sa Metropolitan Cathedral, Tuguegarao City, Cagayan nitong ika-8 ng Agosto 2023.
Inumpisahan ang isang linggong pagdiriwang sa pamamagitan ng banal na misa sa Metropolitan Cathedral.
Sinundan ito ng Grand Kick-off Program na ginanap din sa Catherdral Grounds na pinangunahan ni Mayor Maila Ting-Que.
Nagkaroon din ng food at trade fair at kasalang bayan sa umaga at sa hapon naman ay nagkaroon ng ground parade na nilahukan ng iba’t ibang ahensya sa syudad na sinundan ng grand opening program na dinaluhan ni Undersecretary Myra Paz Valderrosa-Abubakar ng Department of Tourism at Governor Manuel Mamba, Pamahalaang Panlalawigan ng Cagayan.
Nagkaroon din ng pre-pageant for Miss Tuguegarao City. Magkakaroon pa ng mga susunod na aktibidad na inaabangan at kagigiliwan ng mga Tuguegaraeños at mga dayuhan sa lungsod.
Magtatagal ang nabanggit na festival mula Agosto 8 hanggang 16 taong kasalukuyan.
Source: Tuguegarao City Information Office
