Tuloy-tuloy na isinagawa ng Angeles City Health Office ang Fumigation laban sa lamok na may dalang dengue sa iba’t ibang bahagi ng mga barangay ng Angeles City nito lamang Biyernes, ika-4 ng Agosto 2023.
Pinamunuan ito ni Honorable Carmelo Lazatin Jr, Mayor ng Angeles City katuwang ang City Health Office – Sanitation Division.
Binugahan ang mga bawat paligid ng kabahayan na kung saan namamahay ang mga lamok na may dalang sakit na dengue upang maprotektahan ang kalusugan ng mga residente at maagapan ang pagdami ng anumang uri ng sakit.
