Tarlac – Nagsagawa ng Clean-up Drive ang Local Government Unit ng Bamban sa kahabaan ng Manipon Street, Barangay San Nicolas, Bamban, Tarlac nito lamang Sabado, ika-22 ng Hulyo 2023.
Pinangunahan ito ni Hon. Alice Leal Guo, Municipal Mayor katuwang ang Bamban PNP at mga miyembro ng Lingkod Bayan Advocacy Support Group at Force Multipliers.
Nagkaisa ang naturang grupo sa paglilinis ng kapaligiran at pagwawalis sa gilid ng kalsada sa naturang lugar.
Patuloy ang Local Government Unit ng Bamban sa pagpapanatili ng kalinisan ng kanilang nasasakupan upang masiguro ang kaligtasan ng bawat mamamayan sa anumang uri ng sakit.
