Sugatan ang alkalde ng Buguias, Benguet matapos ang vehicular traffic accident sa kahabaan ng Liberty Agricultural Supply, Halsema Highway, KM 10, Brgy. Shilan, La Trinidad, Benguet nito lamang ika-17 ng Hulyo 2023.
Batay sa ulat, ang driver ng Isuzu Trooper at driver ng Toyota Fortuner ay parehong binabaybay ang kahabaan ng Halsema Highway, KM 10, bandang 5:40 ng umaga na patungo sana sa Tublay nang biglang napatigil ang Isuzu Trooper dahilan upang masalpok ito ng Toyota Fortuner.
Samantala, napag-alaman sa nangyaring insidente na nagtamo ng Slight Physical Injuries ang pasahero ng Toyota Fortuner na si Hon. Mayor Ruben Ludaes Tindaan dahil sa biglaang pagkakasalpok.
Agad namang nagkaroon ng amicable settlement sa pagitan ng dalawang panig at dinala ang alkalde sa Benguet General Hospital para sa agarang medikal na atensyon.
