Nagbigay ng Php26.8 milyong halaga Department of Agriculture (DA) Regional Field Office 2 ng makinarya at kagamitan sa agrikultura sa 18 Farmer Cooperatives and Association sa tatlong distrito ng Cagayan sa DA Southern Cagayan Research Center, Minanga Norte, Iguig, Cagayan.
Ito ang siyang bunga ng Farmers and Fishers Clustering and Consolidation (F2C2) program na ipinakilala ng DA sa mga magsasaka at mangingisda sa lalawigan.
Ang mga makinarya at kagamitan na ipinamahagi ay kinabibilangan ng four-wheel drive tractors, hauling truck, combine harvester, conveyor, solar bubble dryer, delivery van, Pump Irrigation System for Open Source (PISOS) at granulators.
Samantala, ang DA RFO 02 sa pamamagitan ng Regional Agriculture and Engineering Division ay patuloy na nagbibigay ng teknikal na tulong sa mga FCA sa pagpapatakbo at pagpapanatili ng mga makinarya sa sakahan at nagsasagawa ng pagsubaybay sa buong paggamit ng nasabing kagamitan.
Target ng F2C2 ay mapaganda ang pamumuhay ng mga magsasaka at mga mangingisda, sa pamamagitan ng pagkakaroon ng komprehensibong long-term plan na siyang kasagutan sa kinakailangan ng mga cluster lalo na sa marketing, pagpapaganda ng produksyon, operation, at maging ang magkaroon ng magandang organisasyon.
Source: DA Region2
