Nagbalik-loob sa mga awtoridad ang isang miyembro ng New People’s Army sa Malolos City, Bulacan nito lamang Lunes, ika-10 ng Hulyo 2023.
Kinilala ang sumuko na si alyas “Ka Jun”, 66 anyos, miyembro ng Rebolusyonaryong Hukbong Bayan (RHB).
Napag-alaman na nag-ooperate ang grupo ni “Ka Jun” sa probinsya ng Bataan, Bulacan, Pampanga at Zambales at kasabay ng kanyang pagsuko ay ang pagturn-over nito ang isang caliber 38 revolver na walang serial number at limang bala.
Patuloy ang panawagan ng Bulacan PNP sa natitira pang miyembro ng NPA na sumuko sa pamahalaan upang makamit ang tunay na kapayapaan.
