Tuloy-tuloy ang programa na Plastic Palit Bigas Project ng Lokal na Pamahalaan ng Angeles City sa Barangay Capaya, Angeles City nito lamang Martes, ika-16 ng Mayo 2023.
Ang naturang proyekto ay sa ilalim ng pamumuno ni Honorable Carmelo Lazatin Jr, Mayor ng Angeles City.
Bawat isang kilong plastic kapalit ang isang kilong bigas na makakatulong sa kanilang pang-araw-araw na pagkain at bawas sa gastusin.
Kaya naman, nakakatulong din ang nasabing proyekto sa ating kalikasan na mabawasan ang plastic na nagdudulot ng polusyon sa kanilang lugar.
Patuloy ang pamahalaan ng Angeles City sa paghihikayat sa mga residente na bawasan ang paggamit ng mga plastic upang makatulong sa ating kalikasan.
