Tumanggap ng parangal at cash assistance ang dalawang Centenarian mula sa Provincial Government ng Mt. Province nito lamang Mayo 15, 2023.
Ang parangal ay iginawad nina Sangguniang Panlalawigan Members Henry D. Bastian Jr., Johnson D. Bantog at Ricardo M Masidong, Provincial Social Welfare and Development Officer Miguela P. Awingan.
Katuwang ang mga Provincial Government employees ng Besao at Tadian local officials, gayundin ng mga kaanak ng centernarians at media.
Tumanggap ng Php50,000 sina Angelina Ag-a ng Soquib, Besao at Magdalena Bisoy Dida ng Tue, Mt. Province.
Bukod pa rito, sila rin ay kapwa tatanggap ng Php100,000 alinsunod sa RA 10868 o The Centenarian Act of 2016 bilang regalo ng pamahalaan para sa mga taong aabot sa edad na 100.
Samantala, nagbahagi naman ng sikreto ang mga centenarians kung paano humaba ang kanilang buhay, ito ay sa pamamagitan ng pagkain ng “ube/togi” o sweet potatoes at banana blossoms.
