Pinangunahan ni Narvacan, Ilocos Sur Mayor Pablito V. Sanidad Sr ang pamamahagi ng mga pataba at iba pang pangangailangan sa mga magsasaka na naapektuhan ng pananalasa ng Bagyong Neneng noong Oktubre 2022 nito lamang ika-14 ng Mayo 2023.
May kabuuang 54 na magsasaka sa lokalidad ng Narvacan ang nabigyan ng Triple 14 o Complete at 0-0-60 o Potassium Fertilizers na gagamitin sa kanilang susunod na pagtatanim.
Bukod dito, namahagi din ng libreng mga buto ng pakwan para sa mga magsasaka.
Sa mensahe ni Mayor Sanidad Sr ay bibigyan ng prayoridad ang mga magsasaka dahil malaki ang papel nila sa pag-unlad ng ekonomiya ng bansa lalo na sa pagtitiyak ng tuloy-tuloy na matatag ang food security ng mga mamamayan.
Source: Narvacan Naisangsangayan
Panulat ni Malayang Kaisipan
