Dagiti Ilocano ket mabigbig iti sangalubongan gapu iti kingaget ken kinapinget da. Amin nga pannubok ti biag ket malasatan, basta adda kinagaget, kinaalibtak ken kinatibker.
Para iti kaadduan, nu Ilokano ka kayatna metten a sawen ket nasalimetmet ka. Ngem ti kinapudno na, ni Ilokano ket unaen na pay laeng nga gatangen dagiti banbanag nga kasapulan na para iti inaldaw-aldaw nga panagbiag na ngem dagiti banbanag nga haan unay nga kasapulan.
Dagitoy nga kannawidan ken pammati, isu ti pagsarmingan dagiti Ilokano manipud pannakayanak da inggana ti panawen ti ipapatay da. Kadagiti Ilocano, ti pannakatay ti maysa a miembro ti pamilya ket mangited iti nadagsen a ladingit. Nu matay ti ama ti maysa nga pamilya, sukatan ti ina ti pagan-anay ti natay nga ama tapno maibaga ti natay ti mensahe na nga haan natungpal idi sibibiag pay isuna.
Ti natay a nakalungon ket maipwesto iti tengnga ti balay ket idiay ruar adda mapupuoran a kayo nga ti asok na ket gumindanan ti espiritu ti natay nga umuli sadiay langit.
Nu dumanon ti pannakaipunpon ti natay, sakbay da nga iruar ti bangkay, nakarikep amin nga tawtawa ken awan ti pakaisagidan ti natay nga parte ti balay gapuen ta nu maisagid ti natay ket mabati ti Espiritu na ket agiyeg ti malas ken problema ti pamilya iti masakbayan nga panawen. Inton malpas ti punpon, amin nga pamilya ti natay ket bugoan da ti ulo da ti gugo tapno maawan ti bileg ti Espiritu ti natay. Iti uneg ti siyam nga aldaw ket agidaton dagiti miembro ti pamilya ti kararag. Inton dumteng ti maikasiyam nga aldaw nga panagdatdaton ti kararag, addanto padaya ket agiwaras to ti pamilya ti natay iti suman ken basi.
Panunulat ni Berting
Source:
