Nagsagawa ang Tarlac City Government sa ilalim ng City Environment and Natural Resources (CENRO) ng Clean-up Drive sa Brgy. Mabini, Espinosa Street, Tarlac City, Tarlac nito lamang Miyerkules, Nobyembre 2, 2022.
Ang naturang aktibidad ay sa ilalim ng liderato ni Mayor Cristy Angeles, Mayor ng Tarlac City katuwang ang CENRO.
Nilinis ng nasabing opisina ang mga basura na nagkalat sa gilid ng kalsada para maiwasan ang sakit at mabahong amoy na dala nito.
Ang buong pamahalaan ng Tarlac City ay inuuna ang kapakanan at kaligtasan ng kanilang nasasakupan.
