City of Batac, Ilocos Norte – Ipinagdiwang ng lungsod ng Batac, Ilocos Norte ang Halloween Trick or Treat 2022 na dinagsa ng mga bata nito lamang Biyernes, Oktubre 28, 2022.
Ang naturang programa ay pinangunahan ni Hon. Albert D. Chua, City Mayor kasama ang mga empleyado ng nasabing lungsod na pinangasiwaan ng City Social Welfare and Development Office.
Ayon kay Hon. City Mayor Chua, bukas-palad na nagbahagi ng mga regalo, pagkain, at candies ang mga kalahok na ahensya, organisasyon, establisyimento ng negosyo at mga indibidwal ng Lungsod para sa mga batang dumalo sa naturang aktibidad.
“Taos puso kaming nagpapasalamat sa mga magulang na nakibahagi para sa paghahanda ng kanilang magagandang kasuotan ng kani-kanilang anak,” dagdag pa ni Hon. City Mayor Chua.
Ang naturang aktibidad ay layunin na mapasaya ang mga bata at makapagbahagi ng konting regalo mula sa Pamahalaang Lungsod ng Batac, Ilocos Norte.
Source: City Government of Batac
