Natagpuan ang isang lalaking bangkay sa gilid ng Chico River, Sitio Calbayan, Brgy. Catabbogan, Pinukpuk, Kalinga nito lamang 11:00 ng umaga, Oktubre 31, 2022.
Kinilala ang bangkay na si Severino Lumacday, residente ng Ligayan, Balantoy, Balbalan, Kalinga.
Batay sa report, naiulat na nawawala ang naturang lalaki noong Oktubre 29, 2022.
Napag-alamang natamaan ng tipak ng mga bato ang biktima at tuluyang tinangay ng malakas na agos ng tubig sa Saltan River.
Kaagad namang dinala ng mga awtoridad ang bangkay sa Tampco Funeral upang mabigyan ng disenteng libing ng kanyang pamilya.
