Nagsagawa ng clearing operations ang mga tauhan ng City Environment and Natural Resources Office (CENRO) sa mga pampublikong sementeryo sa Brgy. Tibag at Brgy. Matatalaib, Tarlac City nito lamang Martes, ika-18 ng Oktubre 2022.
Ang aktibidad ay naging posible sa pamumuno ni Hon. Cristy Angeles, City Mayor ng naturang lungsod.
Ito ay paghahanda sa nalalapit na araw ng undas upang mapanatili ang kalinisan ng kapaligiran na dadaanan ng mga taong bibisita sa mga puntod ng kanilang mga yumaong mahal sa buhay.
