Umarangkada ang Bisperas Market Products sa lungsod ng Tarlac City, Tarlac nito lamang Lunes, Oktubre 17, 2022.
Ang naturang aktibidad ay sa ilalim ng direktiba ni Mayor Cristy Angeles, Mayor ng Tarlac City at sa pangunguna ng City Cooperative and Enterprise Development Office.
Tampok ang mga produktong gawa ng mga enterpreneurs, Small and Medium Enterprises (SMEs), kooperatiba at mga sariwang gulay mula sa community garden ng Tarlac City.
Layunin nito ang bigyan ng pinansyal at teknikal na suporta ang mga kooperatiba at SMEs upang matulungang mapalago at mapatatag ang kanilang negosyo.
Patunay na ang pamahalaan ng Tarlac City ay tinutulungan ang mga mamamayan sa kanilang nasasakupan.
