Nagkaroon ng pagpupulong nitong Martes, Hulyo 26, 2022 ang mga iba’t ibang ahensya ng pamahalaan sa Legislative Hall ng LGU Alcala, Cagayan ukol sa pagbubukas ng Balay Silangan Reformation Center sa nasabing bayan.
Sa naganap na aktibidad ay nagsagawa ng re-orientation ang Philippine Drug Enforcement Agency (PDEA) Balay Silangan Focal Person kasama ang PDEA Cagayan Provincial Office sa mga miyembro ng Balay Silangan Technical Working Group (TWG) kung saan tinalakay ang kanilang mga responsibilidad.
Siniguro naman ng mga miyembro ng Sangguniang Bayan ng Alcala na maglalaan ang lokal na pamahalaan ng kaukulang pondo para sa paghahanda, pagsasaayos, at sa pagpapanatili ng iminungkahing Balay Silangan facility.
Nakatakdang maganap ang inauguration ng nasabing pasilidad sa huling linggo ng Agosto ng taong kasalukuyan.
Source: PDEA Region 2
