Niyanig ang probinsya ng Cagayan ng isang Magnitude 6.1 na lindol nito lamang Biyernes, Hulyo 1, 2022.
Ayon sa ulat na inilabas ng Philippine Institute of Volcanology and Seismology, naitala ang epicenter ng lindol sa Dalupiri Island sa Calayan, Cagayan.
Bandang 2:40 ng madaling araw ay naramdaman ang malakas na pagyanig sa iba’t ibang parte ng lalawigan.
Naitala ang Intensity V sa bayan ng Claveria, Cagayan habang Intensity IV naman sa Peñablanca at Gonzaga.
Samantala, isang bahay naman sa Aparri, Cagayan ang nasira sa pagtama ng nasabing lindol sa lalawigan.
Sources: Phivolcs-DOST PIA 2
