Naballigi ti La Union Police Provincial Office, babaen iti San Juan Municipal Police Station, a nangaresto iti maysa a tao a naikabil iti Top 5 Regional Most Wanted Persons iti Region 1, iti maysa a pinagsagutan a operasyon dagiti ahensia ti paglintegan a naaramid idi agarup alas 9:00 iti agsapa, Nobyembre 7, 2026, idiay Roxas, Isabela.
Ti operasyon ket inidaulo ti San Juan Municipal Police Station, a nakikoordinasyon kadagiti Delfin Albano Municipal Police Station, Regional Intelligence Task Group–Regional Intelligence Division 2, Provincial Intelligence Team, La Union Regional Intelligence Unit 1, La Union Provincial Intelligence Unit, Regional Intelligence Division of Police Regional Office 1, ken 1st La Union Provincial Mobile Force Company.
Ti akusado, nga agnanaed idiay San Juan, La Union, ket nadakip babaen iti Warrant of Arrest gapu kadagiti kaso a Qualified Rape, nga awan ti rekomendasion ti pyansa, ken Qualified Sexual Assault, nga addaan iti pyansa a P120,000.00.
Agtultuloy ti La Union PNP iti natibker a panangpapigsa iti koordinasion dagiti nadumaduma a yunit ken dagiti operasyon a naibasar iti impormasion ti intelihensia tapno mataginayon ti talna ken seguridad ti publiko, salimetmetan ti talna ken urnos, ken masigurado a dagiti agbasol ket masungbatan babaen iti umiso a panangipaay iti hustisia.
