Nadakip idiay Quezon Province ti maysa a lalaki nga addaan iti 30 a tawen, a naikabil iti listaan ti Most Wanted Persons ti PNP, a mainaig iti panangpapatay iti maysa a pulis a naitalaga idiay Cabarroguis, Quirino.
Naamuan a ti akusado ket ni alyas “Sandia”, naasawaan ken maysa a trabahador, a naggapu idiay Mulanay, Quezon, ken agnanaed ita idiay Cabarroguis, Quirino.
Iti agarup alas tres iti malem idi November 8, 2026, nadakip ni alyas “Sandia” idiay Mulanay, Quezon, babaen iti warrant of arrest gapu iti kaso a homicide.
Ti tracker team ti 1st Quirino Provincial Mobile Force Company ti nangidaulo iti operasyon, a kaduana dagiti dadduma a yunit ti Quirino Police Provincial Office ken PRO CALABARZON.
Naggapu ti kaso iti panangpugot iti maysa a pulis a ni PSMS Zaldy Castillo Dela Peña, 42 anyos, a kameng ti PNP a naitalaga iti Quirino Police Provincial Office.
Napaspasamak ti insidente iti agarup alas onse iti rabii idi July 31, 2026, iti maysa a sari-sari store idiay Barangay San Marcos, Cabarroguis, Quirino.
Segun iti imbestigasyon, immayda kano iti tindaan dagiti dua a lalaki a nagnagan da ket alyas “Marlon” ken alyas “Sandia” tapno gumatang iti arak, ken nagtultuloyda iti panaginom idiay lugar.
Idi imbagaan ida ti makinkukua iti tindaan a pabassitenda ti timekda gapu ta rabii ken nalabesdan ti curfew hours, nagriribok ti grupo. Padasen kano ni PSMS Dela Peña a talnaen dagiti suspek, ngem inyakar kano ni alyas Sandia ti kutsilio na ket pinugsatna ti pulis iti kannigid a paset ti bagina, iti asideg ti kili-kilina.
Dagus a naipan ni PSMS Dela Peña iti Quirino Provincial Medical Center, ngem naideklara a dead on arrival gapu iti hypovolemic shock a gapuanan ti nakaro a pannakapukaw ti dara manipud iti nauneg a sugat a naala na.
Kalpasan ti insidente, nagtarayda kano dagiti suspek babaen iti maysa a motorsiklo ket naglemmengda.
Iti sabali a bangir, pinadayawan ni PBGen Mariano C. Rodriguez, Regioanal Director, Police Regional Office 2, dagiti miembro ti kapulisan gapu iti di agkupas a dedikasionda, a kaduada dagiti dadduma a paset ti PNP, tapno maipaay ti hustisia.
Source: Police Regional Office 2
