“We dont expect any impact..ngem atleast adda access dagiti agusar”
Dayta ti inyebkas ni Fidel Demot, maysa kadagiti representative ti Demot family a nangidonar iti agarup 1,614 sqm a lote kas pagnaan dagiti residente kangrunaan dagiti estudiante sadiay Ambiong, La Trinidad, Benguet.
Sigun kenni Demot, adu a dialogues wenno conversation ti napaspasamak iti nagbaetan ti pamilya dagitoy ken barangay tapnu maidonar ti nasao a lote.
Inlawlawagna a manipud iti 3 meters a kalawa ti kalsada, mapalawa pay daytoy iti 6 meters.
Innayunna a maragsakan daytoy gaputa makatulong iti pagnaan dagiti komunidad.
Nupay kasta, namnamaen ni Demot nga apaman a mapasayaat daytoy ket saan kuma a mapagbalin a paradaan laeng ken tumulong kuma ti komunidad iti panangdalus ken dadduma pay.
Iti agdama, ti kalsada ket saan pay a sementado ngem naituding a mapasayaat.
Sigun pay kenni Demot, addan ti pondo nga immuna nga inkari ti PLGU babaen iti opisina ni Governor Melchor Diclas para iti pannakapasayaat ti nasao a kalsada.
Maipalagip a nagpirma ni Demot iti deed of donation idi Oktobre 5 no sadino, innem nga heirs iti Demot family ti nagpirma tapnu pormal a maidonar ti sumagmamano a paset ti lote dagitoy.
Kabayatanna, nagyaman ni Mayor Roderick Awingan iti generosity ken civic minded spirit ti nasao a pamilya.
Nagserbi a witness ni Vice Mayor Guiller Galwan ken dadduma pay a konsehal ti munisipyo ti La Trinidad.
Inkari met dagiti opisiales ti panangipaayda iti suporta para iti pannakapasayaat ti access road.
Source: Bombo Radyo Baguio
