Agtultuloy nga umad-adu ti bilang dagiti pamilia a Pilipino a maap-apektaran ti nakaru nga El Niño iti agduduma a paset ti pagilian, segun iti National Disaster Risk Reduction and Management Council (NDRRMC).
Basar iti kaudian a datos ti ahensia, umaboten iti nasurok 104, 000 a pamilia wenno katukad ti nasurok 388, 000 nga indibidwal a direkta a naapektaran ti tikag.
Kaadduan a nairekord nga apektado iti rehiyon ti Cagayan Valley, a sinaronoan ti Caraga, Calabarzon, ken Bicol Region.
Gapu iti agtaltalinaed nga epekto ti El Niño iti suplay ti danum ken pagbiagan, agtaltalinaed iti 106 a lokal a gobierno ti naidalan iti State of Calamity iti intero a lubong.
Karaman kadagiti nagdeklara ket ti buo a probinsia ti Occidental Mindoro, Sultan Kudarat, ken Maguindanao, kasta pay ti sumagmamano a paset ti Palawan, Cebu, ken Zamboanga City.
Source: Bombo Radyo Vigan
