Pinasangbay ti Municipal Local Government Unit ti Tublay ti Senior Citizens-Officer-For-a-Day (SCOFAD) idi laeng Oktubre 5, 2026.
Iti panangidaulo ti Municipal Social Welfare and Development Office (MSWDO) ken Office of Senior Citizens Affairs (OSCA), paset ti selebrasion ti Elderly Filipino Week ti nasao nga aktibidad ken naangay babaen ti Municipal Ordinance No. 2026-04.
Napadasan a mismo dagiti senior citizen no kasano ti panagtrabaho ti gobierno munisipal babaen ti panangalada iti trabaho ti mayor, bise mayor, kameng ti Sangguniang Bayan, ken pangulo ti nadumaduma nga opisina ti munisipio.
Ni SCOFAD Mayor Mario Garcia ti nangsukat ken ni Mayor Juan Esnara, idinto a ni SCOFAD Vice Mayor Jean Wasit ti nangala iti akem ni Bise Mayor Cruso Daguioa Jr. Nagserbi dagiti dadduma pay a senior citizens kas kameng ti Sangguniang Bayan ken pangulo dagiti opisina ti munisipio.
Babaen ti programa, binigbig ti Tublay LGU ti padas, pannakaammo, ken agtultuloy a kontribusion dagiti senior citizens kas partners iti community development ken public service.
Source: PIA Benguet
https://www.facebook.com/PIABenguetInfocen/posts/pfbid02BGw9RKy7aF6bZuR831SckN5S6b8Z6u4SdDBPtQhmNw82NebvdgYtpyi8nZQQSSyDl?rdid=hh4DqVkkg2sNTMBT#
