Bimmaba ti presio dagiti sabong iti Baguio City kalpasan ti panaglabas ti Habagat.
Sigun kenni Estela Dumas, presidente ti Flowers in Bloom and Flower Vendors Association Incorporated – Baguio City, naapektaran ti suplay dagiti sabong gapu iti napalabas a panagtutudo.
Kinunana a narigat ti panagala kadagiti sabong manipud kadagiti pagtaudan kas iti La Trinidad, Sablan ken Atok.
Nakaapektar met iti suplay ti panagtudtudo a nagbalin a kangrunaan a pakaseknan dagiti mannalon iti panagmula ken panag-ani kadagiti sabong.
Kasta met a nakaapekto kadakuada ti panagngato ti presyo ti krudo a nangitunda iti nangato a gastos iti panagtransportar kadagiti sabong.
Iti agdama, agduduma ti presio dagiti sabong a mailaklako iti Baguio City Public Market. Aggatad iti agarup P100 ti tunggal dosena ti Astromelia bayat a dumanon iti P50 ti tunggal piraso dagiti rosas.
Kanayonanna, dumanon metten iti P150 tunggal dosena ti white radus kasta metten ti maysa a bundle ti white aster. Mailaklako itan iti agarup P350 ti round boquet bayat a ti flat boquet met ket aggatad iti P500.
Kabayatanna, naobserbaran met ti panagbaliw iti bilang dagiti umili a gumatang iti sabong no idilig idi napalabas a tawen no sadino maysa kadagiti nakaapekto iti demand ket ti kinakurang dagiti buyers ken ti kaawan unay ti okasyon.
Iti sabali a bangir, mabalin met nga agbaliw manen ti suplay, demand, ken presyo dagiti sabong iti merkado gapu iti umadani nga All Saint’s Day ken All Soul’s Day.
Source: Bombo Radyo Baguio
