Itultuloy ti LGU Alaminos, ti panangpabileg iti community gardening ken massive vegetable production tapno mapadur-as pay ti sektor ti agrikultura, nangruna iti panagpaato ti produksiyon ti natnateng iti siyudad ken makatulong iti pannakasigurado ti supply ti taraon iti pagilian.
Kas paset daytoy nga inisyatibo, naisagawa idi September 7, 2026 iti Barangay Maawi ti Training on Vegetable Production Technology, a pinangulowan ti City Agriculture Office a kaduana ti Department of Agriculture (DA) ken Allied Botanical Corporation.
Iti training, naibingay kadagiti mannalon dagiti baro a teknolohiya, praktikal a kabaelan, ken moderno nga agricultural practices a mabalin nga usaren iti urban ken peri-urban vegetable production. Panggep daytoy a mapabunga ti pannakaammo dagiti mannalon ken mapadur-as ti pamay-an ti panagtalon tapno mapataas ti produktibidad.
Babaen kadagitoy a programa, itultuloy ti Alaminos City ti panangpabileg kadagiti mannalon ken panangsuporta iti napadur-as ken nasustenible nga agrikultura, kas paset ti panangsalaknib iti food security ken pannakaitandudo ti agrikultura iti komunidad.
Source: LGU Alaminos
