BAGUIO CITY- Manamnama a mapilaan iti kaso nga Estafa ti 44-anyos a babai, awanan trabaho ken residente ti Upper Pinget, Baguio City kalpasan a nilokona ti 46-anyos a babai idi May 22, 2026.
Iti initial nga imbestigasyon ti kapulisan, nakita ti biktima iti social media ti maidiaydiaya a condominium unit babaen iti “Sangla Tira” arrangement.
Kalpasan ti sumagmamano a referral, naaddaan ti biktima ken ti suspek iti negosasyon.
Nagsabat dagitoy sakbay a nagbayad ti biktima iti 750,000 ken nagpinnirmada iti Memorandum of Agreement (MOA).
Nakalanad iti katulagan a mabalin nga agnaed ti biktima iti condominium unit iti las-od ti maysa a tawen nga awan iti renta gapu iti nai-advance daytoy a kwarta.
Ti nasao a transaction ket nasuportaran babaen iti certificate of ownership nga impaulog ti Central apartment a pinirmaan ti maysa a sales documentstive officer.
Maibasar pay iti rekord ti kapulisan, ti katulagan ket addaan iti notaryo ti maysa nga abogado.
Nupay kasta, naakaawat ti biktima iti awag manipud iti anakna nga agsingsinger iti abang ti management ti apartment idi Agosto 1, 2026.
Gapu ti dayta, dagus a nagturung iti siudad ti Baguio ti biktima ken ti asawana.
Ditoy metten a naduktalan nga amin a dokumento ti apartment nga iggemda ket bogos.
Naduktalan metlaeng a ti suspek a nagpammarang nga agtagikua iti apartment ket maysa metlaeng nga agab-abang iti nasao a unit.
Iti kaudian a report manipud iti kapulisan, ti nasao a kaso ket para iti regular filling.
Source: Bombo Radyo Baguio
