Personal a naginspek ni PBGEN NOEL B VALLO, Regional Director ti Police Regional Office Cordillera Administrative Region (PRO-CAR) idiay Saint Louis University kagidan iti panagrugi ti 2026 Bar Examination ita nga aldaw.
Daytoy ket tapno masigurado ti seguridad ken natalna nga aglawlaw para kadagiti aspiring lawyers.
Kabayatan iti panagbisitana, nakipattang metlaeng daytoy kdagiti examinees ken nangiyawat kadagiti tokens of encouragements kas panangipakita iti suporta ken panang-apresyar ti PRO-CAR iti dedikasyon ken panagreggetda.
Tapno masigurado ti natalged a publiko, naurnos a gunay ti trapiko, ken dagos a panangipaay ti assistance kadagiti examinees, nangideploy ti PRO-CAR iti agarup 441 police personnel : 196 kadagitoy ti manipud iti Baguio City Police Office (BCPO), 133 manipud iti Benguet Police Provincial Office, ken 112 manipud PRO-CAR Regional Headquarters.
Agtuloy ti operasyon ken panagbantay dagitoy kadagiti sumarsaruno pay nga examination dates inton Setyembre 9 ken Setyembre 13.
Source: Bombo Radyo Baguio
