Binigbig ti Baguio City Government ti dedikasyon ken napateg a kontribusion dagiti personnel ti Baguio City Disaster Risk Reduction and Management Office (CDRRMO) iti search, rescue, ken retrieval operations kalpasan ti landslide idiay Guisad Surong.
Indauluan ni Engr. Charles Carame, nakipagtrabaho dagiti 41 a personnel ti CDRRMO iti napalalo a pannakaready ken awan panagsarday a panagserbi tapno maipaay ti napardas ken epektibo a disaster response, ken maipaay ti kritikal a tulong kadagiti komunidad a naapektaran iti insidente.
Ti pannakasagana, koordinasyon, ken dedikasyon dagiti responders ket nangted iti napateg a kontribusion iti pannakapapigsa ti disaster response ti siyudad, partikular iti panangipaay iti tulong ken panangsalaknib kadagiti residente iti panawen ti emerhensia.
Naipresentar ti commendation da Mayor Benjamin Magalong, Vice Mayor Faustino Olowan, dagiti miyembro ti City Council, ken dadduma pay nga opisyal ti siyudad idi Flag Raising and Awarding Ceremony idi Agosto 2026 idiay Baguio City Hall, kas panangbigbig iti kinapateg ti serbisyo ken dedikasyon dagiti CDRRMO personnel.
Source: Baguio City PIO
