Inserra iti lokal a gobierno iti La Trinidad, Benguet ti maysa a billiard hall idiay Mae, Bahong, La Trindad, Benguet kalpasan a napaneknekan nga adda dagiti sumsumrek kadagiti menor de edad.
Nangiruar ti Municipal Legal Office iti closure order ken imbabawina ti business permit iti establisimiento idi Agosto 19. Sigun iti Business Permit and Licensing Section, dua a menor de edad ti naduktalan nga adda iti lugar idi Agosto 12, a panaglabsing iti Municipal Ordinance No. 13-2012 wenno Juvenile Welfare Ordinance.
Naamuan metlaeng nga adda ti immuna a report iti pisikal a komprontasyon iti nagbaetan dagiti menor de edad iti uneg iti establisimiento.
Impatungpal ni Mayor Roderick Awingan ti “no tambay” policy para kadagiti estudiante kadagiti commercial establishment manipod alas-8 iti agsapa agingga iti alas-5 iti malem tunggal aldaw iti iseserrek, malaksid nu adda ti opisial a pammalubos manipod iti pagadalan.
Agtalinaed a nakaserra ti billiard hall agingga a mabayadan iti operator ti kaskenan a multa.
Maibasar iti datos iti Municipal Legal Office, dumanonen iti 45 closure orders ken walo a permit revocations ti nairuar kontra kadagiti business establishment idiay La Trinidad agingga inton Agosto 31, 2026.
Source: Bombo Radyo Baguio
