Bimmisita ni Mayor Benjamin Magalong ken ni Department of Public Works and Highways (DPWH) Secretary Vince Dizon sadiay ground zero ti panagreggaay ti daga iti Guisad Surong idi Agosto 20, 2026, tapno ma-assess ti kasaknap ti nadadael ken pagsaritaanda dagiti madagdagus nga addang tapno masigurado ti kinatalged ken seguridad dagiti umili iti nasao a lugar.
Maysa kadagiti kangrunaan a pakaseknan kabayatan ti site inspection ket ti panagkasapulan iti pondo a mangsuporta iti immediate response efforts ken slope protection measures iti Guisad Surong.
Kinuna ti Mayor a dagus a nabigbig ni Secretary Dizon ti kinakaro ti kasasaad ken ti naganat a panagkasapulan kadagiti maitutop a panangibabaet tapno masalakniban ti nalawa a komunidad nga agnanaed iti nasao a lugar.
Inspeksionenda pay ti sumagmamano a lugar iti Benguet a naapektaran iti Bagyo Luis ken Maymay, kasta met ti abagatan a laud a monsoon (habagat). Karaman kadagiti napasiar a lugar ti curtain netting ken slope protection works iti igid ti Governor Bado Dangwa National Road sadiay Bangho, Daclan, Tublay, Benguet, road slip iti Benguet–Nueva Vizcaya Road sadiay Beckel, La Trinidad ken ti proyekto a Strawberry Farm–Bolo Creek Flood Control
Source: Baguio City Public Information
https://www.facebook.com/pio.baguio/posts/pfbid0QcmiU5G3NrNm7Tmch4Tfti1XF7uSCHAQzsqpVFtxQPNXtsVqFkf3VAAKanFDaXF4l?rdid=x450qDy8TXIZBXZI#
