Impagarup ti paset dagiti personnel ti 2nd Maneuver Force Platoon, 2nd Cagayan Provincial Mobile Force Company ti food packs para iti maysa a pamilya dagiti Agta idiay Barangay Baracaoit, Gattaran, Cagayan idi Agosto 19, 2026.
Daytoy nga inisyatiba ket naisayangkat babaen iti panangidaulo ni PCMS Leonard Tarubal, Team Leader, tapno maipaay ti dagus a tulong a tallo a kilo a bagas ken grocery packs a makatulong iti inaldaw a kasapulan ti pamilya ken tapno maipakita ti kinamanangngaasi ken pannakaseknan ti kapulisan kadagiti sektor a kasapulan ti tulong.
Babaen daytoy, naipakita ti kinapateg ti pannakikooperar ken panagtitinulong ti kapulisan ken komunidad iti panangresponde kadagiti kasapulan dagiti umili.
