Nakemmeg dagiti dua a mapapati a drug pusher kalpasan a maalaan ida iti lima a kilo ti mapapati a marijuana nga aggatad iti P600,000 iti buy-bust operation iti ili ti Alilem, Ilocos Sur.
Dagiti suspek ket agtawen iti duapulo ket dua ken duapulo ket maysa, agpada nga agnaed iti Bakun, Benguet.
Nakumpiskar manipud kadagiti suspek ti lima a kilo ti mapapati a napagango a bulong ti marijuana, a naibungon iti lima a plastic package ken aggatad iti P600,000.
Narekober pay ti buy-bust money, nasurok sangagasut a piraso ti boodle money, dua a cellphone, wallet, driver’s license, plastic crate, sako, ken dua a motorsiklo.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
Source: Bombo Radyo Vigan
