Nagun-od ni Jalan Moralit, maysa a fish farm owner iti Solana, Cagayan, ti parangal a Outstanding Fisherfolk–Aquaculture iti 2026 National Gawad Saka Awards ti Department of Agriculture (DA) iti awarding ceremony a naangay idi Hunyo 29, 2026 idiay Philippine International Convention Center (PICC), Pasay City.
Pinanguluan ti Department of Agriculture ti panangiparangal kadagiti natatangi a mannalon ken mangingisda iti pagilian. Ni Moralit, a mabigbig kas maysa kadagiti kangrunaan a mangiproduse iti dekalidad a tilapia fingerlings iti probinsia ti Cagayan, ket nakatanggap iti tropeo, Plaque of Recognition, ken ₱250,000 a cash prize. Nakitinnulong met kenkuana iti panangawat ti parangal da DA Regional Executive Director Rosemary Aquino, Regional Technical Director Roberto Busania, BFAR Region 2 Regional Director Angel Encarnacion, Solana Mayor Meynard Carag, Municipal Agriculturist Monico Castro Jr., Fisheries Focal Person Jay Ann Mangada, ken dadduma pay nga opisial ti Region 2.
Nagserbi a panauhin a pandangal ni Senator Francis Pangilinan, Chair ti Senate Committee on Agriculture, Food, and Agrarian Reform, a nangipaay iti mensahe ti panangbigbig ken inspirasion kadagiti nagun-od iti parangal.
Ti panggep ti Gawad Saka National Search ket tapno mabigbig ken mapadayawan dagiti natatangi nga aramid ken kontribusion dagiti mannalon, mangingisda, organisasion, ken dadduma pay a katuwang iti panangparang-ay iti agrikultura ken panagmula iti entero a pagilian.
Source: Cagayan Provincial Information Office
