Inpatungpal iti Philippine National Police (PNP) ti polisiya nga maximum tolerance iti maikadua nga aldaw ti Iglesia ni Cristo (INC) rally, kas paset ti agtultuloy nga panggep na nga mapagtalinaed ti talna, kaurnos, ken seguridad ti amin a dumteng ken ti publiko iti nadumaduma a paset ti Metro Manila ita nga aldaw, Hulyo 1, 2026.
Segun iti PNP, ti maximum tolerance ipatumpal tapno mailiklikan ti tensyon ken saan a panagkakaawat iti nagbaetan dagiti raliyista ken dagiti otoridad. Iti daytoy a polisiya, liklikan dagiti pulis ti panagusar ti puwersa ken ad-adda a panggep da ti naurnos a panangimanehar babaen ti dayalogo, panangiturong, ken umiso a komunikasyon kadagiti makikadua.
Naka-deploy dagiti pulis iti estrategik a paset tapno agbantay iti seguridad, tumulong iti panangurnos ti trapiko ken panagpanaw ti tattao, ken agresponde a dagus no adda man a pasamak.
Agtultuloy met ti koordinasyon ti PNP kadagiti organizer ken iti lokal a gobierno tapno masiguro ti naurnos ken natalna a panangpatungpal ti aktibidad.
Iti PNP, ipalagip da nga ti nasayaat a panagplano ken panangipatumpal ti prinsipyo ti maximum tolerance ket maysa a wagas a panangipakita iti panagraem iti kalintegan dagiti umili iti natalna a panagtitipon, bayat a patuloy a masigurado ti talged ken seguridad ti amin.
