Nangipatungpal ti rally dagiti miyembro ti LGBTQA+ itay agsapa kagiddan ti Baguio City Pride March.
Ti nasao a rally ket nakasentro iti korupsyon, kasta metlaeng ti equality, diskriminasyon a mapaspasan dagiti LGBTQA+ community ken dadduma pay a parikut ken isyu iti gobyerno.
Sigun kenni Nix Reyes Chairperson ti Bahaghari Metro Baguio nga agkurkurang paylaeng ti polisiya ti pagadalan, pagtrabahuan ken dadduma pay para kadagiti LGBTQA+ community.
Kinunana a saan nga inclusive ti gender policies iti pagadalan, adda paylaeng dagiti sexual harrasment a mapaspasaran ken dadduma pay, kasata pay nga awan iti gender desk.
Inyunayunayna pay nga importante a maadaan ti comprehensive policies wenno panagadal ken dadduma pay seknan iti daytoy.
Impettengna pay a kalikagum daytoy ti equal rights kas iti pantay a panagtrato nga awan ti prejudice wenno awan ti malisyana.
Inlawlawag daytoy a maysa ti LGBTQA+ community a makapaspasar ti nagduduma a diskriminasyon, nagduduma a harrassment ken dadduma pay a kayat dagitoy nga isardeng.
Malaksid iti dayta, impeksa pay ni Reyes a ti napasamak nga ipupusat ti maysa a transgender woman idiay Nueva Ecija ket prueba a saan a natalged ti komunidad no sadinno kasapulan ti polisya a mangprotektar kadagitoy.
Iti sabali a bangir, inyebkas met ni Engr. Alec Mapalo ti suporta daytoy iti naipatungpal a programa itay kas paset iti Pride Month.
Impeksa daytoy nga iti siudad ket inclusive kadagiti amin no sadino natalged amin.
Innayunna pay ti importansya ti kaada dagiti sektor a mangipatpatungpal iti rally gapu ta no awan dagitoy, posible a kampante ti gobyerno iti serbisyo dagitoy.
Impeksa met ni Engr. Mapalo nga iti agdama, ada ti anti-discrimination ordinance iti syudad a mangprotprotektar iti tunggal maysa ngem kinunana daytoy a posible a mareview daytoy tapno mas mapatibker pay daytoy nangruna ta adda dagiti sumagmamano a mangibagbaga nga adda paylaeng ti diskriminasyon ti sumagmamano a pagadalan.
Source: Bombo Radyo Baguio
