Naangay idiay Barangay San Francisco Norte, Sudipen, La Union, idi Hunio 4, 2026, ti Mobile Blood Donation a pinangulowan ti Sudipen Rural Health Unit babaen kenni Dr. Jerson S. Bangaoil, kas paset ti panangsuporta iti panagregget ti Lokal a Gobierno ti Sudipen a mangipaay iti natalged ken umdas a suplay ti dara para kadagiti agkasapulan.
Ti aktibidad ket nangurnos kadagiti boluntario a mangited iti darada tapno makatulong iti panangisalakan kadagiti biag dagiti pasyente a makasapul iti agar-aramid a panangagas wenno emerhensia. Babaen iti daytoy a programa, naiparangarang ti espiritu ti kinamanangted, panagkaykaysa, ken pannakikadua iti komunidad.
Kinuna dagiti mangidaulo iti aktibidad a ti panagdonar iti dara ket maysa kadagiti kasimplean ngem kapategan a wagas ti panangtulong iti padatayo, agsipud ta mabalin daytoy a mangisalakan iti biag dagiti masaksakit ken dagiti adda iti kritikal a kasasaad.
Nangayab met dagiti opisial kadagiti tattao a kayat nga agdonar iti dara a mapan idiay Barangay San Francisco Norte manipud alas otso iti bigat agingga alas una iti malem tapno makipaset iti daytoy a nobile a panagserbi.
Ti Mobile Blood Donation ket maysa a pakakitaan ti panagkaykaysa ti komunidad iti panangipaay iti sagut ti biag, a mangipakita ti kinamanagayat ken pannakikadua para iti pagimbagan dagiti amin.
Source: LGU Sudipen
