Naragsak a naipatungpal ti 2nd Quarter Social Pension para kadagiti Indigent Senior Citizens iti siudad manipud Mayo 25 agingga Mayo 29, 2026, a nangted ti tulong kadagiti 5,582 a lallakay ken babbaket.
Daytoy a programa ket naipatungpal babaen ti Transfer of Funds Scheme, a mangipalubos iti lokal a gobyerno a mangited direkta kadagiti benepisio kadagiti senior citizens babaen ti panagurnos ti Department of Social Welfare and Development (DSWD).
Naballigi ti panagpaay gapu iti naurnos a panagtitinulong dagiti City Social Welfare and Development Office (CSWDO), City Accounting Office, City Treasury Office, barangay officials, ken dadduma pay a partner stakeholders.
Kabayatan daytoy a aktibidad, agtultuloy met ti panang-usisa ken panangbalidasi kadagiti saan a nakalaing a benepisyario tapno masigurado a mapan dagiti serbisyos kadagiti addaan karbengan.
Inayon pay dagiti opisyal manipud DSWD, PSA, ken CBMS ti tulong iti panangipatalged dagiti rekord ken panangpasayaat ti serbisyo para kadagiti senior citizens.
Asegun kenni CSWDO Head Ms. Liza Bulayungan, agtultuloy ti panangsuporta ti siudad iti kinasalun-at, dignidad, ken kinapateg dagiti lallakay ken babbaket babaen kadagiti napateg a programa para kadakuada.
Source: Baguio PIO
