SAN FERNANDO CITY, La Union — Nakisarita ni Department of Agriculture (DA) Undersecretary Arrey Perez kenni La Union Gov. Mario Eduardo C. Ortega idi Mayo 29, 2026 iti siudad ti San Fernando tapno pag-uusapan ti planong pannakaitakder ti Poro Point Agri-Fishery Port iti probinsya.
Sinukimat ni Usec. Perez ti inisyal a plano ti proyekto ken nangipaay kadagiti rekomendasyon maipanggep kadagiti masapul nga aramiden tapno maipatungpal ti proyekto. Impaganetgetna met ti dakkel a maitutulong ti naturang a port iti pannakaawis dagiti investors ken pannakapapigsa ti sektor ti agrikultura ken panagpispisda iti probinsya.
Impresentar met dagiti opisyal ti Philippine Fisheries Development Authority (PFDA) ti proposed infrastructure plan para iti proyekto. Plano a maipatakder ti Agri-Fishery Port iti uneg ti Poro Point Freeport Zone iti uppat nga ektaria a daga ken maibilang a dumteng iti P2 bilyon ti pondo para iti tallo a phase ti proyekto.
Nangted met iti direktiba ni Gov. Mario kadagiti concerned agencies a pagkaykaysaen ken pagtitinulonganda tapno mapaspasnek ken maurnos ti pannakaipatungpal ti proyekto, bayat a maitan-ok ti panangsalaknib iti aglawlaw ken pannakapapigsa ti ekonomiya.
Kabilang kadagiti produktong mabalin a mailako no maipatakderan ti Agri-Fishery Port ket ikan, pagay, prutas, mais, coffee beans, tubo, ken dagiti fertilizer.
Nakipagpaset met iti panag-uusap dagiti nadumaduma a stakeholders ken partner agencies a nangipakita iti suporta da, pakairamanan ti Provincial Government of La Union, Construction Industry Arbitration Commission, Department of Development Region I, ken Poro Point Management Corporation.
Dagiti napag-uusapan iti miting ket namnamaen a maidanon iti opisina ni Pangulong Ferdinand “Bongbong” Marcos Jr. para iti sumaruno a panaggun-od ken aksyon.
Source: PIA Ilocos Region
