Nangiyebkas ti Benguet Police Provincial Office (PPO), babaen ti panangidaulo ni Acting Provincial Director PCol Dionisio D. Bonoy, ti naimpusuan a panagyaman kenni Mr. Ramon Go ti Pines Home Finishing Baguio iti naparabur a tulongna iti logistical assistance babaen ti panangidonarna iti building ken sanitary materials iti yunit idi Mayo 27, 2026.
Dagitoy a kameng a naipaay ket naited nga personal babaen ken ni Mr. Rafael C. Valencia, mysa a aktibo a kameng ti Benguet PPO Provincial Advisory Group for Police Transformation and Development (PAGPTD).
Karaman kadagiti naidonar a materiales ti maysa (1) a set a water closet nga addaan iti maysa (1) a lavatory ken accessories, maysa (1) a urinal set, 100 piraso a 30×60 cm DGAC glazed tiles, ken 61 piraso a 30×60 cm a MARIWASA floor tiles.
Mausar dagitoy a materiales para iti agtultuloy a pannakapabaro ken pannakapasayaat dagiti comfort rooms iti Benguet PPO Provincial Headquarters. Panggep ti nasao nga inisiatiba ti mangipaay iti nadaldalus ken nasayaat a pannakamentenar dagiti pasilidad para kadagiti PNP personnel ken stakeholders a sumarungkar iti headquarters.
Daytoy ket mangipakita iti kinapateg ti napigsa a panagtinnulong ti kapulisan ti Benguet PPO ken dagiti maseknan iti komunidad, a mangipaay iti epektibo a panagserbi iti publiko ken panangsalaknib iti natalged a komunidad.
Source: Pnp Benguet Ppo
https://www.facebook.com/benguetppo.pcadb/posts/pfbid0yAe2HFik56PR9PVCS3PfkNRYmcPh4GDUdDXhMU8mX3Dh3GBdMztFa2iW37i9khPxl?rdid=wtVTIari44K2FKuz#
