Nagpasayangkat ti City Government of Baguio iti Town Hall Meeting idi Mayo 25, 2026, bilang paset ti panangpapigsa iti pannakaipaay ti serbisio publiko, panangitandudo iti kinawag ti panagturay, ken panangparegta iti silulukat a komunikasion kadagiti empleyado ti lokal a gobierno.
Iti nasao nga aktibidad ket tinabunuan dagiti opisyales ken empleyado ti siudad, nga idauluan ni Mayor Benjamin Magalong.
Nagserbi ti miting a plataporma para kadagiti personnel a mangpataud kadagiti saludsod, mangibinglay kadagiti pannakaawat, ken makagun-od iti naun-uneg a pannakaawat iti panagturay, pakaseknan iti pagtrabahuan, ken panagtitinnulong a solusion nga agturong iti ad-adda nga episiente ken makasungbat a serbisio publiko.
Naiparang met iti aktibidad ti Performance Governance System (PGS), Circular Economy, ken dadduma pay a programa ken proyekto ti siudad. Naipakita iti daytoy ti agtultuloy a panagkomit ti lokal a gobierno iti nasayaat a panagturay, napateg a panagserbi iti publiko, ken pannakasalaknib iti aglawlaw.
Source: Baguio City Public Information Office
