Naipatungpal iti maysa a Serbisyo Caravan kas paset ti panagpannuray a mangidanon kadagiti serbisyo ti gobyerno iti komunidad ken mangpabileg iti talna, kinatalged, ken progreso idiay Barangay Bitag Pequeño, Baggao, idi Mayo 21, 2026.
Indaulwan ti Lokal a Gobierno ti Baggao ti nasao nga aktibidad, kasta met a katinnulungan da iti ti 17th Infantry Battalion, Baggao Municipal Police Station, Bureau of Fire Protection, dagiti kameng ti Sangguniang Bayan, ken dadduma pay nga ahensya ti gobyerno tapno maipaay dagiti kasapulan a serbisyo kadagiti umili.
Kabilang kadagiti serbisyo a naipaay ket konsultasyon medikal, serbisyo dental, libre a pukis ti buuk, libre a tuli, ken panagwaras ti bagas kadagiti residente.
Ti Serbisyo Caravan ket naggapu iti panggep a maidanon dagiti kangrunaan a serbisyo ti gobyerno kadagiti residente, nangnangruna kadagiti komunidad a naapektaran idi iti impluwensiya dagiti Communist Terrorist Groups.
Babaen iti daytoy nga aktibidad, impakita manen ti lokal a gobyerno, PNP, BFP, ken ti 17th Infantry Battalion ti pannakikadua da iti panangsalaknib iti talna, kinatalged, ken panagdur as ti munisipalidad ti Baggao.
Source: 17th Infantry Batallion, PA
