Binallaagan ni Mayor Benjamin Magalong dagiti terminal ti Public Utility Jeepney (PUJ) kontra iti saan nga umno a pannakaibelleng dagiti sigarilio iti intero nga siudad ti Baguio tatta laeng Mayo 22, 2026.
Inikkan metlang ni Mayor Magalong dagiti asosasion ti jeepney iti makalawas manipud ita nga aldaw, Mayo 22, 2026 tapno agdalus da kadagiti wara da ken mangadaptar kadagiti wagas tapno mataginayon ti kinadalus kadagiti naituding a lugarda. Dagiti saan nga agtungpal ket sumangu ti posibilidad a mapukaw ti pribilehio a mangaramat iti nasao a lugar kas terminal da, kinuna ni Mayor Magalong.
“In our inspection of these terminals and parking areas, we kept noticing cigarette butts littering these places. Some are even tucked in the gaps of riprap walls and at the corners and we are retrieving and cleaning these each time,” nakuna pay ni Mayor.
Maysa pay, impalagipna kadagiti terminal operators, drivers, dispatchers ken pasaheros ti umno nga ibelleng dagiti basura ti sigarilio ken mataginayon ti kinadalus iti naitudingda. In unay-unay pay ni Mayor Magalong nga iti panangmentenar iti kinadalus ti terminals ket mysa a paset ti panagregget ti siudad a mangsalaknib iti aglawlaw ken mangitandudo iti disiplina kadagiti publiko nga espasio.
Impakdaar pay ni Mayor Magalong ti posibilidad nga sumangu dagiti aglabsing iti dusa babaen kadagiti agdama nga anti-littering kenanti-smoking ordinances iti siudad. Naiturongna met kadagiti maseknan nga opisina a paingten ti panagbantay ken enforcement kadagiti transport terminals ken daduma pay a public areas.
Source: Baguio City Public Information Office
