Balligi a nagleppas ti Skills Demonstration and Livelihood Day idi kalman nga addaan iti tallo a kategorya no sadno naiparang ti strawberry salad making, vegetable salad preparation ken local delicacies.
Dua ti nakipaset iti strawberry salad making, tallo met iti vegetable salad making, ken dua iti local delicacies.
Sigun kenni Shelda Ayawan, sekretarya ti tourism council ti Betag, La Trinidad a manmannu laeng ti nakipaset iti nasao nga aktibidad gapu ta biglaan daytoy ken saan unay a naipakaamo kadagiti residente.
Impeksana pay a dagiti participants ket nagtaud metlaeng amin iti Barangay Betag.
Ti nasao nga aktibidad ket paset ti umuna a Tourism Celebration Week ti Barangay Betag, La Trinidad, Benguet nga adaan tema a “Smart Tourism, Smarter Travel: Innovating the Visitor Experience Making Lasting Impacts”
Source: Bombo Radyo Baguio
