18 Mayo 2026—Nagsayangkat ti courtesy call ti National Commission of Senior Citizens – Regional Office I (NCSC RO1) iti Government Service Insurance System (GSIS) La Union Branch tapno mapagtalinaed ken mapapigsa ti panagkaykaysa dagiti dua nga ahensya iti panangisangsangayan kadagiti programa para kadagiti lakay iti rehion.
Imun-una ni Regional Director Atty. Glaiza Bernadeth P. Pinto-Tadeo ti NCSC RO1 iti pannakisarita kenni Branch Manager Ms. Haydee S. Delinela ti GSIS La Union.
Iti panagtitinulong, pinagdiskusyonan dagiti posible a proyekto ken inisyatibo a mangtulong kadagiti senior citizens, nangruna kadagiti government pensioners, tapno mausaranda a nalaing ti GSIS mobile application a mangipaay iti nalaka ken napardas a pannakaakses kadagiti serbisyo ken online appointment system.
Nasaritaan met dagiti dua nga opisina ti posibilidad a panagurnong ti datos dagiti senior citizens a agtrabtrabaho pay laeng iti gobyerno, lalo kadagiti edad 60 agingga 65, tapno maammoan dagiti kasapulanda ken mapapigsa pay ti digital access kadagiti serbisyo ti gobyerno.
Mainayon pay, impakaammo ti NCSC RO1 ti plano a mangawis iti GSIS kadagiti sumaruno a programa ken aktibidad para kadagiti lakay, a pakairamanan ti pannakaipasdek ti information booth tapno maiparang dagiti programa ken serbisyo ti GSIS.
Ti courtesy call ket nangpapigsa iti panagpartnership ti NCSC RO1 ken GSIS La Union iti panangitag-ay kadagiti inisyatibo a mangipaay iti nasaysayaat, nalaka, ken nasayaat a pannakaited ti serbisyo para kadagiti senior citizens iti rehion.
Source: National Commision of Senior Citizens – Region 1
