BAGUIO CITY – Inyuswat ti City Planning, Development, and Sustainability Office (CPDSO), babaen iti SIGLAT Youth Hub, iti maysa nga workshop maipanggep iti Artificial Intelligence (AI) kadagiti nadumaduma a departamento ti City Government of Baguio idi Abril 21, 2026 iti Baguio Convention Center. Daytoy ket naisayangkat babaen iti panagkaykaysa iti PLDT, Smart, Microsoft, ken Limitless Lab.
Ti workshop a nagan “AI-in-a-Box mentorship” ket naggapu iti panggep a tumulong kadagiti lokal a gobyerno a yunit (LGUs) iti panangammuan kadagiti prioridad a karit, panangpasayaat kadagiti solusyon a nakaibatay iti AI, ken panangipilot kadagiti inobasyon iti aktwal a panagserbi ti gobyerno. Segun kenni Josh Aquino, Director of Communications ti Microsoft Philippines, napateg a ramuten dagiti LGU ti AI iti inaldaw a panagtrabaho, gapu ta saanen a simpleng uso no di ket paset iti agdama a panagdur-as ti komunidad.
Imbingayna met ti kahalagaan ti panangammo no kaano ken no saan a maaramid ti panagusar iti AI. No maipakat a husto, mabalin a mapaspasayaat dagiti nainget a trabaho ken mapapigsa pay ti sistema ti opisina. Tapno maiturong dagiti empleyado, inyallangna ti maysa a decision-making matrix nga addaan iti uppat a kategorya: High Value ken High Risk, High Value ken Low Risk, Low Value ken High Risk, ken Low Value ken Low Risk.
Naipangpangruna ti workshop kadagiti praktikal a panagusar ti AI kas iti panag-research, pananganalisa, data entry, ken panagaramid iti press release a mabalin a mausar dagiti empleyado iti inaldaw a trabaho. Inpalagip met ni Micaela Gay Rimando ti CPDSO ti responsableng panagusar iti AI, a mangrugi iti panangberipika kadagiti pagtaudan ken panagaramid iti nalawag ken husto a prompt.
Babaen iti panangitulod iti AI literacy ken kultura ti agtultuloy a panagadal, ipakita ti City Government of Baguio ti panggepna a ramuten ti teknolohiya iti naurnos ken napateg a wagas, tapno ti inobasyon ket agbalin a kangrunaan a paset ti panagserbi iti publiko.
Source: Baguio City PIO
