Napasamak ti 5-aldaw a panagsanay iti Rapid Earthquake Damage Assessment System (REDAS) nga inorganisar ti DOST Ilocos Region iti pannakipag-partner iti DOST-PHIVOLCS idi Abril 20–24, 2026 idiay Ynad’s Place Hotel and Resort, San Fernando City, La Union.
Uppat a pulo ket pito (47) a DRRM officers ken representante dagiti national agencies manipud iti RDRRMC I ti nakipaset ken nakatapos iti training, a mangipakita iti napigsa a whole-of-government approach iti panangpasayaat ti disaster preparedness iti rehion.
Ti panagsanay ket nangipaay kadagiti partisipante iti kaalaman ken kinalaing iti hazard assessment, risk analysis, ken panangaramat ti REDAS kas decision-support tool. Naisuro met dagiti modules kas iti Exposure Database, Satellite Rainfall Monitor, ken earthquake simulation.
Babaen iti daytoy a inisyatibo, napabilgen ti kapasidad dagiti LGUs ken NGAs iti panangipasdek ti science-based a panagplano ken panagsagana kontra kadagiti sakuna.
Kinunana ti DOST Ilocos a ituloyda pay ti kasta a capacity-building tapno mapasayaat ti kinatalged ken kinasagana dagiti komunidad iti Region 1 babaen iti “Agham na Ramdam.”
