Naisayangkat ti maysa a programa a mangpabileg iti kapasidad dagiti barangay personnel babaen iti Barangay Peacekeeping Action Team (BPATs) Training, dagiti napili a Barangay Officials ken BPAT members manipud kadagiti nadumaduma a barangay iti Balaoan, kadua dagiti personnel ti Public Order and Safety Office (POSO) idi Abril 8, 2026 iti Municipal Hall, Balaoan, La Union.
Ti nasao a panangpasayaat ti kabaelan ket nakatutok iti panangpabileg ti kinaammo ken kinalaing dagiti barangay personnel ken traffic enforcers iti panangsalaknib iti talna ken kinatalged iti komunidad, panangpasayaat ti community safety, ken panangitag-ay ti kalidad ti panagserbi iti publiko.
Dagiti naadal a topiks a naibingay dagiti resource speakers ket nairaman ti National Task Force to End Local Communist Armed Conflict (NTF-ELCAC) nga impresentar ti NICA Region 1, ti Republic Act 9165 wenno Comprehensive Dangerous Drugs Act of 2002 a naipakaammo ti PDEA RO1, panangresponde iti bomb threat a naibingay ti Explosive Ordnance Disposal (EOD), ken dagiti batayang safety tips a naited ti BFP Balaoan.
Tarigagay ti kastoy a programa ket mangtulong iti panangpabileg ti koordinasion dagiti barangay ken dagiti ahensya ti gobyerno, a mangiturong iti nasaysayaat a panangsalaknib iti komunidad.
Babaen iti daytoy a training, napapigsa pay ti kapasidad dagiti BPAT ken barangay personnel iti panangipatungpal ti kanilang tungkulin, a mangsigurado iti naurnos, natalged, ken naurnos a pagilian.
Insurat ni IlocanoAk
Source: Balaoan LGU
