Imbilin ti Department of the Interior and Local Government (DILG) babaen ken Secretary Jonvic Remulla ti panangipatungpal ti pannakabawal ti panag-inum iti kalsada, kas inlawlawag na idi press briefing ita nga Abril 6, 2026.
Segun kenkuana, saanen a palubosan ti panaglatag ti lamesa ken tugaw iti dalan tapno ag-inuman, ken mabalin a mangiturong iti pannakaaresto dagiti sumuway.
“Bawal na ang mag-inom sa kalye. Bawal na ang maglatag ng mga silya at mesa sa kalsada at mag-inuman. Pag kayo mag-inuman sa kalye, huhulihin namin kayo,” kinuna ni SILG Remulla a mangipakita ti panagpateg ti gobyerno iti disiplina ken kaayusan iti komunidad.
Inlawlawag ti DILG a uray awan ti espesipiko a linteg a maawagan “Anti-Public Intoxication Act,” adda dagiti probisyon iti Revised Penal Code a mangiparit iti panag-inum iti publiko ken panagaramid iti gulo. Dagitoy ket masusuportaran pay babaen kadagiti lokal nga ordinansa a mangsalaknib iti kaurnos ti komunidad.
Nangipatarus pay ti DILG a masapul a tungpalen ti publiko dagiti regulasyon, agraman ti limitasyon iti videoke, panangsalungasing iti curfew, ken dadduma pay a makadangran iti kaayusan.
Ti panangipatungpal dagitoy ket maysa a kangrunaan a wagas tapno mapagtalkan ken masigurado ti natalged ken naurnos a biag iti entero a komunidad.
Source: DILG Philippines and Mountain Beacon
